O‘zbek tili lug‘ati

adashmoq
[ a-dash-moq ]   feʼl

кирил алифбосида:   адашмоқ

Ma’nosi:   

1. Yoʻlini yoʻqotib qoʻymoq.   

2. Notoʻgʻri (xato) ish tutmoq, notoʻgʻri yoʻlga kirmoq.   

3. Ajrab yoʻqotmoq.   

4. Almash boʻlmoq.

|   1. Йўлини йўқотиб қўймоқ.  
2. Нотўғри (хато) иш тутмоқ, нотўғри йўлга кирмоқ.  
3. Ажраб йўқотмоқ.  
4. Алмаш бўлмоқ.

Misollar:   

• /1-ma’no/   U yorqin kunduzda yoʻlga chiqib, qorongʻi kechada adashgan kishiday, nima qilarini bilmay qoldi.   (M. Ismoiliy, Fargʻona tong otguncha)

• /1-ma’no/   Adashgan kimsadek, Furqat, qayon borgum bilolmasman.   (Furqat) 

• /2-ma’no/   Ha, oʻz manfaatini xalq manfaatidan yuqori qoʻyganlar doim adashadi.   (Uygʻun) 

• /2-ma’no/   Adashsang, toʻgʻri yoʻl soʻrgil, uyalma.   (Voqif) 

• /3-ma’no/   Vatanidan adashmoq. Oʻz toʻpidan adashmoq. 

• /3-ma’no/   Otardan adashgan bir talay qoʻy-qoʻzi oʻtlay-oʻtlay, bir tomoni zov, supraday maydonga tushib qolibdi. S. Anorboyev,   (Oqsoy) 

• /3-ma’no/   ..Adashgan oshiqlar bir-birin izlar. (Murodxon) 

• /4-ma’no/   Qalpogʻim adashibdi. 

Manbalar: 

• Oʻzbek tilining izohli lug‘ati: 80 000 dan ortiq so‘z va so‘z birikmasi, 5-jildli, (2006–2008), _ 2021 _ Tahrir hay’ati: E. Begmatov, A. Madvaliyev, N. Mahkamov, T. Mirzayev (rahbar) N. To‘xliyev, E. Umarov, D. Xudoyberganova, A. Hojiyev, _ A. Madvaliyev tahriri ostida, _ Oʻzbekiston Respublikasi Fanlar akademiyasi Alisher Navoiy nomidagi til va adabiyot instituti, "Oʻzbekiston milliy ensiklopediyasi" Davlat ilmiy nashriyoti, _ Toshkent sh. 

• Oʻzbek tilining etimologik lug‘ati I-jild: turkiy so‘zlar, _ 2000, _ Shavkat Rahmatullayev, _ O‘zbekiston respublikasi Fan va texnika davlat qo‘mitasi Mirzo Ulug‘bek nomidagi O‘zbekiston Milliy Universiteti, "Universitet" nashriyoti, _ Toshkent sh. 

• O‘zbek tilining o‘quv imlo lug‘ati: 27000 dan ortiq so‘z (2022), _ 2023, _ A.F. Madvaliyev, Y.R. Odilov, A.K. Saidnoʻmonov, _ N.M.Mahmudov tahriri ostida, _ Oʻzbekiston Respublikasi Fanlar akademiyasi O‘zbek tili, adabiyoti va folklori instituti, «Kafolat print company» nashriyoti, _ Toshkent sh. 

• O‘zbek tili sinonimlarining izohli lug‘ati, _ 2023, _ Mualliflar jamoasi: Nizomiddin Mahmudov, Durdona Lutfullayeva, Yorqinjon Odilov, Durdona Xudoyberganova, Ma’rufjon Yo‘ldoshev, Shuhrat Ko‘chimov, Dilrabo Andaniyazova, Feruza Musayeva, _ Nizomiddin MAHMUDOV tahriri ostida, _ O‘zbekiston Respublikasi  Vazirlar Mahkamasining Davlat tilini ­rivojlantirish departamenti, O‘zbekiston Respublikasi Fanlar akademiyasi O‘zbek tili, adabiyoti va folklori instituti, G‘afur G‘ulom nomidagi nashriyot-matbaa ijodiy uyi, _ Toshkent sh. 

Havolalar: 

Девон : Mahmud Koshg‘ariy, Devonu lug‘otit turk. I  - III tomlar. Indeks, Toshkent: 1960-1967. 

ДТС     : Древнетюркский словарь. Лгр.: 1969. 

ИРАТЯ : Историческое развитие лексики тюркских языков. М.: 1962. 

ИСГТЯ : Исследования по сравнительной грамматике тюркских языков. IV. Лексика. М.: 1961. 

КРС      : Юдахин К. К. Киргизско-русский словарь. М.: 1965. 

ПДП      : Малов С. Е. Памятники древнетюркской письменности. M. - Агр.: 1951. 

РКС       : Русско-казахский словарь. М.: 1954. 

ССТТН  : Будагов Л. З. Сравнительный словарь турецко-татарских наречий. I - II томлар. Санктпетербург: 1969- 1971. 

ТРС       : Магазаник Д.А. Турецко-русский словарь. М.: 1945. 

ЭСТЯ    : Севортян Э. В. Этимологический словарь тюркских языков. I - IV томлар. М.: 1974-1989. 

ЎТИЛ     : O‘zbek tilining izohli lug‘ati. I - II tomlar. M.: 1981. 

ЎХШЛ    : O‘zbek xalq shevalari lug‘ati. Toshkent: 1971.